Звароты

Парадак разгляду зваротаў грамадзян, юрыдычных асоб і індывідуальных прадпрымальнікаў

1. Звароты выкладаюцца на беларускай або рускай мове.
2. Звароты падаюцца заяўнікамі ў пісьмовай або электроннай форме, а таксама выкладаюцца ў вуснай форме.
3. Пісьмовыя звароты падаюцца нарачным (кур'ерам), па пошце, у ходзе асабістага прыёму, шляхам унясення заўваг і (або) прапаноў у кнігу заўваг і прапаноў.
4. Вусныя звароты выкладаюцца ў ходзе асабістага прыёму дырэктара БелДІСС, яго намеснікаў.
5. Электронныя звароты падаюцца па электроннай пошце: info@belgiss.by.
6. Усе пісьмовыя і электронныя звароты, якія паступілі ў БелДІСС, прымаюцца і рэгіструюцца сектарам па кіраванні дакументацыяй і электроннага справаводства ў дзень іх паступлення, а калі звароты паступілі ў нерабочы дзень (нерабочы час) – не пазней чым у першы, наступны за ім рабочы дзень.
7. Пасля рэгістрацыі пісьмовыя звароты, у тым ліку папяровыя копіі электронных зваротаў, перадаюцца на разгляд дырэктару БелДІСС або яго намеснікам па пытаннях, якія датычацца напрамка інстытута, які курыруецца імі.
8. Разгляд зваротаў у БелДІСС ажыццяўляецца ў парадку і тэрміны, устаноўленыя Законам Рэспублікі Беларусь ад 18 ліпеня 2011 г. № 300-З "Аб зваротах грамадзян і юрыдычных асоб", Указам Прэзідэнта Рэспублікі Беларусь ад 15 кастрычніка 2007 г. № 498 "Аб дадатковых мерах па рабоце са зваротамі грамадзян і юрыдычных асоб" і іншымі актамі заканадаўства.
9. Звароты разглядаюцца па сутнасці выключна ў межах кампетэнцыі БелДІСС, вызначанай заканадаўствам, з тлумачэннем дзеючага заканадаўства аб парадку прымянення яго нормаў на практыцы толькі ў сферы дзейнасці БелДІСС.
10. Звароты, якія змяшчаюць інфармацыю аб злачынстве, якое гатовіцца, учыняецца ці ўжо ўчынілася, альбо іншым правапарушэнні, не пазней пяці рабочых дзён накіроўваюцца інстытутам у адпаведныя праваахоўныя або іншыя дзяржаўныя органы.

Пісьмовыя звароты

Пісьмовыя звароты падаюцца нарачным (кур'ерам), па пошце, у ходзе асабістага прыёму, шляхам унясення заўваг і (або) прапаноў у кнігу заўваг і прапаноў.

Электронныя звароты

Электронныя звароты, якія паступілі ў інстытут шляхам падачы звароту па электроннай пошце info@belgiss.by, падлягаюць разгляду ў парадку, устаноўленым для разгляду пісьмовых зваротаў, з улікам некаторых асаблівасцей.

Вусныя звароты

Вусныя звароты выкладаюцца ў ходзе асабістага прыёму дырэктара БелДІСС, яго намеснікаў.

Абскарджанне адказаў на звароты

Адказ БелДІСС на зварот або рашэнне аб пакіданні звароту без разгляду па сутнасці могуць быць абскарджаны:

− у вышэйстаячай арганізацыі (Дзяржаўны камітэт па стандартызацыі Рэспублікі Беларусь).

Вышэйстаячая арганізацыя пры паступленні такой скаргі правярае звесткі, якія змяшчаюцца ў ёй, і пры наяўнасці падстаў для станоўчага рашэння выкладзеных у звароце пытанняў разглядае зварот па сутнасці альбо выдае адпаведным арганізацыям, якія разглядаюць зварот па сутнасці, абавязковае для выканання прадпісанне аб належным рашэнні гэтых пытанняў, аб чым паведамляе заяўніка. Арганізацыя, якая атрымала такое прадпісанне, павінна выканаць яго ў названы ў прадпісанні тэрмін, але не пазней аднаго месяца і на працягу трох рабочых дзён паведаміць аб гэтым ў вышэйстаячую арганізацыю, а таксама накіраваць адказ заяўніку.

- у судовым парадку, устаноўленым заканадаўствам.

Абскарджанне адказаў на звароты ажыццяўляецца ў адпаведнасці з арт. 20 Закона Рэспублікі Беларусь ад 18 ліпеня 2011 г. № 300-З "Аб зваротах грамадзян і юрыдычных асоб".

Асабісты прыём грамадзян, юрыдычных асоб і індывідуальных прадпрымальнікаў

Графік правядзення «прамых тэлефонных ліній» у II паўгоддзі 2022 года