Аб БелДІСС

Гісторыя

Адлік сваёй гісторыі Беларускі дзяржаўны інстытут стандартызацыі і сертыфікацыі (БелДІСС) вядзе з 1972 года, калі сваю дзейнасць пачаў Мінскі філіял Цэнтральнага канструктарскага бюро «Эталон».

Прайшоўшы структурныя пераўтварэнні, у 1992 годзе прадпрыемства атрымала статус інстытута.

Праз пяць гадоў рашэннем Урада інстытут перадаецца ў вядзенне дзяржаўнага камітэта па стандартызацыі Рэспублікі Беларусь (Дзяржстандарта), што стала найважнейшай вяхой у гісторыі БелДІСС.

Сёння інстытут з'яўляецца цэнтральным дзяржаўным навукова-практычным прадпрыемствам Дзяржстандарта ў галіне тэхнічнага нарміравання, стандартызацыі, ацэнкі адпаведнасці, інфармацыйна-тэхнічнага забеспячэння і сістэмнага менеджменту.

У адпаведнасці пастановай Дзяржстандарта ад 10 ліпеня 2017 г. № 58 БелДІСС вызначаны ў якасці нацыянальнага інстытута па стандартызацыі.

Забеспячэнне высокага навукова-тэхнічнага і арганізацыйна-метадычнага ўзроўню выконваемых работ і аказваемых паслуг – наша галоўная задача, у выкананне якой укладаюць энергію, веды, вопыт і прафесіяналізм больш за 360 спецыялістаў.

Місія

Генерацыя і распаўсюджванне новых ведаў у мэтах аказання дапамогі бізнесу, грамадству і дзяржаве быць больш бяспечнымі, эфектыўнымі і лепшымі шляхам стварэння ўмоў для:

зніжэння тэхнічных бар'ераў;
павышэння якасці і канкурэнтаздольнасці айчыннай прадукцыі;
садзейнічання абароне інтарэсаў спажыўцоў;
укаранення інавацый, выкарыстоўваючы інструменты тэхнічнага нарміравання, стандартызацыі, ацэнкі адпаведнасці, інфармацыйнага забеспячэння і сістэмнага менеджменту.

Бачанне

Да 2025 года стаць адным з вядучых навукова-тэхнічных цэнтраў у галіне тэхнічнага нарміравання, стандартызацыі, інфармацыйнага забеспячэння, выпрабаванняў, пацвярджэння адпаведнасці сістэм менеджменту, прадукцыі і паслуг у ЕАЭС і СНД.

Палітыка ў галіне якасці і сістэмнага менеджменту

БелДІСС у якасці нацыянальнага інстытута па стандартызацыі і навукова-практычнага цэнтра ў галіне тэхнічнага нарміравання, стандартызацыі, ацэнкі адпаведнасці, інфармацыйна-тэхнічнага забеспячэння і сістэмнага менеджменту мае намер утрымліваць лідзіруючыя пазіцыі ў Рэспубліцы Беларусь і заваяваць лідарства ў гэтых галінах у Еўразійскім эканамічным саюзе і Садружнасці Незалежных Дзяржаў.

Падрабязна