БелДІСС правядзе 30 мая – 2 чэрвеня 2023 г. прамыя тэлефонныя лініі, прымеркаваныя да Дня Еўразійскага эканамічнага саюза

БелДІСС правядзе 30 мая – 2 чэрвеня 2023 г. прамыя тэлефонныя лініі, прымеркаваныя да Дня Еўразійскага эканамічнага саюза. У ходзе іх правядзення зацікаўленыя асобы змогуць задаць узнікшыя ў іх практычнай дзейнасці пытанні, якія датычацца прымянення тэхнічных рэгламентаў ЕАЭС/Мытнага саюза, і атрымаць кампетэнтныя адказы.

З графікам прамых тэлефонных ліній і іх тэматыкай можна азнаёміцца тут.

У 2023 г. 29 мая дзяржавы – члены ЕАЭС упершыню адзначаюць як Дзень Еўразійскага эканамічнага саюза. У гэты дзень у 2014 г. у Рэспубліцы Казахстан быў падпісаны Дагавор аб ЕАЭС.

Прэзідэнт Беларусі Аляксандр Лукашэнка павіншаваў лідэраў дзяржаў – членаў ЕАЭС з гэтым святам.

Адной з чатырох свабод, якія забяспечваюцца на прасторы ЕАЭС, з'яўляецца свабода руху тавараў. Асновай для яе рэалізацыі служыць адзіная сістэма тэхнічнага рэгулявання, якая дае магчымасць дзяржавам – членам не толькі вырашаць пытанні зняцця тэхнічных бар'ераў у гандлі і абараняць рынак ад небяспечнай прадукцыі, але і ствараць умовы для павышэння канкурэнтаздольнасці саюзных тавараў і іх экспартнага патэнцыялу. Адзіныя патрабаванні і правілы выпуску тавараў у абарачэнне ўстанаўліваюцца ў тэхнічных рэгламентах ЕАЭС/Мытнага саюза. Цяпер прыняты 52 такія дакументы, якія рэгулююць больш як 85 працэнтаў абарачальнай на рынку ЕАЭС прадукцыі. Разам з тым на еўразійскай пляцоўцы працягваюцца работы па далейшым развіцці і ўдасканаленні элементаў адзінай сістэмы тэхнічнага рэгулявання ў адпаведнасці з сучаснымі выклікамі, запытамі прамысловасці і спажыўцоў дзяржаў – членаў ЕАЭС.

Выкарыстана фота з адкрытых інтэрнэт-крыніц