Якiя змяненнi ўнесены ў пералiкi прадукцыi да ТР МС 004/2011 i ТР МС 020/2011 пры яе змяшчэннi пад мытныя працэдуры?

Калегiяй Еўразiйскай эканамiчнай камiсii ўнесены змяненнi ў пералiкi прадукцыi, у адносiнах да якой падача мытнай дэкларацыi суправаджаецца прадстаўленнем дакумента аб ацэнцы адпаведнасцi (звестак пра дакумент аб ацэнцы адпаведнасцi) патрабаванням тэхнiчных рэгламентаў Мытнага саюза «Аб бяспецы нiзкавольтнага абсталявання» (ТР МС 004/2011) i «Электрамагнiтная сумяшчальнасць тэхнiчных сродкаў» (ТР МС 020/2011). Яны набылi моц 16 красавiка 2023 г.

Пералiкi адкарэктаваны ў адпаведнасцi з унесенымi раней змяненнямi ў гэтыя тэхнiчныя рэгламенты.

Так, прадукцыя, якая падлягае пацвярджэнню адпаведнасцi патрабаванням ТР МС 010/2011 «Аб бяспецы машын i абсталявання», выключана з пералiку да ТР МС 004/2011, напрыклад «iнструмент электрыфiкаваны». Пункт 1 «Электрычныя апараты i прыборы бытавога прызначэння» дапоўнiўся гiдрамасажнымi ваннымi, апаратамi для манiкюру i педыкюру, плугамi электрычнымi, а таксама аўтаматычнымi ўстройствамi кiравання бытавым электраабсталяваннем, пультамi, панэлямi кiравання i кантролерамi. Пералiк дапоўнены пазiцыяй «iнструмент электранагравальны». Пры гэтым з яго выключаны пункты 8 i 9 (апараты для размеркавання электрычнай энергii i апараты электрычныя для кiравання электратэхнiчнымi ўстаноўкамi), аднак плаўкiя засцерагальнiкi, размеркавальныя ўстройствы, пераключальнiкi, кантактары, пускальнiкi ўключаны ў пункт 7 пералiку (дабаўлены да аўтаматычных выключальнiкаў i ўстройстваў ахоўнага адключэння).

У пералiках i да ТР МС 004/2011, i да ТР МС 020/2011 канкрэтызавана нiзкавольтнае абсталяванне, якое падключаецца да персанальных электронных вылiчальных машын: дабаўлена, што яно павiнна быць «бытавога i офiснага прызначэння».

Пералiк да ТР МС 020/2011 дапоўнены гiдрамасажнымi ваннымi, апаратамi для манiкюру i педыкюру, плугамi электрычнымi. У яго таксама дабаўлена гульнявое, спартыўнае i трэнажорнае абсталяванне, якое не толькi падключаецца да сеткi, але i працуе ад батарэек/акумулятараў (пункт 1), а таксама капiравальныя апараты (уключаючы шматфункцыянальныя ўстройствы) (пункт 3).

Для ўсіх відаў прадукцыі ў пераліках устаноўлены 10-значныя коды ТН ЗЭД ЕАЭС.

Пры вызначэнні формы пацвярджэння адпаведнасці прадукцыі абавязковым патрабаванням (сертыфікацыя або дэклараванне адпаведнасці) перш за ўсё варта кіравацца пералікамі прадукцыі да саміх тэхнічных рэгламентаў (дадатак да ТР МС 004/2011 і дадатак 3 да ТР МС 020/2011).

Афіцыйныя растлумачэнні аб неабходнасці пацвярджэння адпаведнасці патрабаванням ТР МС 004/2011 і ТР МС 020/2011 можна атрымаць у БелДІСС.

БелДІСС таксама мае магчымасці для правядзення выпрабаванняў прадукцыі і пацвярджэння яе адпаведнасці патрабаванням ТР МС 004/2011 і ТР МС 020/2011.

Выпрабавальны цэнтр і орган па сертыфікацыі знаходзяцца па адным адрасе: г. Мінск, вул. Наватарская, 2А.