Вызначаны лаўрэаты конкурсу на суісканне Прэміі Урада Рэспублікі Беларусь за дасягненні ў галіне якасці 2022 г.

Пастановай Савета Міністраў Рэспублікі Беларусь ад  23 мая 2023 г. № 335 зацверджана рашэнне Камісіі па прысуджэнні Прэміі Урада Рэспублікі Беларусь за дасягненні ў галіне якасці 2022 г.

Так, лаўрэатамі Прэміі Урада Рэспублікі Беларусь за дасягненні ў галіне якасці 2022 г. сталі 11 арганізацый, 14 пацвердзілі званне лаўрэата паўторна. Тры арганізацыі ўдастоены спецыяльных узнагарод «Сацыяльная адказнасць», «Дасканаласць менеджменту», «Лідэрства». Пераможцы прадстаўляюць машынабудаўнічую, транспартную, электратэхнічную, фармацэўтычную, хімічную, будаўнічую, харчовую галіны, а таксама ўстановы адукацыі і навукі.

У адпаведнасці з названай пастановай за дасягненне значных вынікаў у галіне якасці і канкурэнтаздольнасці выпускаемай прадукцыі, паслуг або выкананых работ, укараненне інавацыйных тэхналогій і сучасных метадаў менеджменту званне лаўрэата прысуджана 11 прадпрыемствам. Сярод іх – ваўкавыскае ААТ «Беллакт», дзяржаўная ўстанова адукацыі «Гродзенскі абласны інстытут развіцця адукацыі», ААТ «Бабушкіна крынка» – кіруючая кампанія холдынгу «Магілёўская малочная кампанія «Бабушкiна крынка», ААТ «Мінскі маргарынавы завод», ААТ «Мінскі механічны завод імя С.І.Вавілава – кіруючая кампанія холдынгу «БелОМА», ААТ «Мінскі трактарны завод», ААТ «МІНСКІ ЭЛЕКТРАТЭХНІЧНЫ ЗАВОД ІМЯ В.І.КАЗЛОВА», рэспубліканскае вытворчае унітарнае прадпрыемства «АКАДЭМФАРМ», СП ААТ «СПАРТАК», УП «Газразліковая доследная вытворчасць Інстытута біяарганічнай хіміі Нацыянальнай акадэміі навук Беларусі», установа адукацыі «Гомельскі дзяржаўны медыцынскі ўніверсітэт».

Званне лаўрэата гэтага прэстыжнага конкурсу пацвердзілі 14 прадпрыемстваў. Гэта ЗАТ «Аўгуст-Бел», адасобленае структурнае падраздзяленне «Мінскі вагонны ўчастак» транспартнага рэспубліканскага унітарнага прадпрыемства «Мінскае аддзяленне Беларускай чыгункі», ТАА «Праймілк», ААТ «Бярозабудматэрыялы», ААТ «Брэсцкі мясакамбінат», ААТ «Лунінецкі малочны завод», ААТ «Пінскі мясакамбінат», ААТ «Полацк-Шкловалакно», ААТ «Слонімскі мясакамбінат», рэспубліканскае даччынае унітарнае вытворчае прадпрыемства «Конус» РУП «Навукова-практычны цэнтр Нацыянальнай акадэміі навук Беларусі па механізацыі сельскай гаспадаркі», СААТ «Камунарка», установа адукацыі «Беларускі дзяржаўны ўніверсітэт інфарматыкі і радыёэлектронікі», установа адукацыі «Брэсцкі дзяржаўны ўніверсітэт імя А.С.Пушкіна», установа адукацыі «Гродзенскі дзяржаўны медыцынскі ўніверсітэт».

Спецыяльных узнагарод конкурсу ўдастоены: ваўкавыскае ААТ «Беллакт» – у намінацыі «Сацыяльная адказнасць» за вядзенне арганізацыяй сацыяльна адказнага бізнесу і стварэнне ўмоў, якія забяспечваюць сацыяльную абароненасць усіх груп зацікаўленых бакоў: персаналу, спажыўцоў, партнёраў, грамадства; СААТ «Камунарка» – у намінацыі «Дасканаласць менеджменту» за пабудову ў арганізацыі сістэм менеджменту, арыентаваных на праектна-працэснае кіраванне і якія дазваляюць укараняць сучасныя высокаэфектыўныя, рэсурсазберагальныя і інавацыйныя тэхналогіі, ствараць канкурэнтаздольныя прадукцыю, паслугі або працы; установа адукацыі «Беларускі дзяржаўны ўніверсітэт інфарматыкі і радыёэлектронікі» – у намінацыі «Лідэрства» за ўклад кіраўніцтва ў дасягненне ўстойлівага поспеху арганізацыі.

Конкурс на суісканне Прэміі Урада Рэспублікі Беларусь за дасягненні ў галіне якасці праводзіцца штогод, пачынаючы з 1999 г., і з'яўляецца самым аўтарытэтным праектам у рэспубліканскім конкурсным руху за якасць. Яго правядзенне дае магчымасць выдзяляць сярод беларускіх арганізацый прадпрыемствы-лідэры, якія выбудоўваюць стратэгію і тактыку свайго развіцця на аснове якасці, і забяспечвае прызнанне іх дасягненняў на дзяржаўным узроўні. Удзельнікі конкурсу бяруць на ўзбраенне сучасныя прынцыпы і ідэі, увасобленыя ў мадэлі Прэміі Урада, дэманструюць упэўненае валоданне эфектыўнымі метадамі менеджменту, высокую рэзультатыўнасць і ўстойлівае развіццё ва ўмовах сучасных выклікаў.

Лаўрэатам уручаюцца дыплом і сімвал Прэміі Урада, а таксама даецца права выкарыстання на працягу трох гадоў выявы эмблемы Прэміі Урада пры маркіроўцы прадукцыі і на яе ўпакоўцы, у рэкламных мэтах і дакументацыі.