Пісьмовыя звароты

29.07.2020 13:39

Пісьмовыя звароты падаюцца нарачным (кур'ерам), па пошце, у ходзе асабістага прыёму, шляхам унясення заўваг і (або) прапаноў у кнігу заўваг і прапаноў

Парадак разгляду пісьмовых зваротаў:

  1. Пісьмовыя звароты грамадзян павінны змяшчаць:
    • назву і (або) адрас арганізацыі альбо пасаду асобы, якім накіроўваецца зварот;
    • прозвішча, уласнае імя, імя па бацьку (калі такое маецца) альбо ініцыялы грамадзяніна, адрас яго месца жыхарства (месца знаходжання);
    • выкладанне сутнасці звароту;
    • асабісты подпіс грамадзяніна (грамадзян).
  2. Пісьмовыя звароты юрыдычных асоб павінны змяшчаць:
    • назву і (або) адрас арганізацыі альбо пасаду асобы, якім накіроўваецца зварот;
    • поўную назву юрыдычнай асобы і яе месца знаходжання;
    • выкладанне сутнасці звароту;
    • прозвішча, уласнае імя, імя па бацьку (калі такое маецца) альбо ініцыялы кіраўніка або асобы, упаўнаважанай ва ўстаноўленым парадку падпісваць звароты;
    • асабісты подпіс кіраўніка або асобы, упаўнаважанай ва ўстаноўленым парадку падпісваць звароты, завераны пячаткай юрыдычнай асобы.
  3. Тэкст звароту павінен паддавацца прачытанню. Рукапісныя звароты павінны быць напісаны выразным, разборлівым почыркам. Не дапускаецца ўжыванне ў зваротах нецэнзурных альбо абразлівых слоў ці выразаў.
  4. Да пісьмовых зваротаў, якія падаюцца прадстаўнікамі заяўнікаў, прыкладаюцца дакументы, якія пацвярджаюць іх паўнамоцтвы.
  5. У зваротах павінна змяшчацца інфармацыя аб выніках іх папярэдняга разгляду з дадаткам (пры наяўнасці) дакументаў, якія пацвярджаюць гэтую інфармацыю.
  6. Пісьмовыя звароты лічацца разгледжанымі па сутнасці, калі разгледжаны ўсе выкладзеныя ў іх пытанні, прыняты належныя меры па ахове, забеспячэнні рэалізацыі, аднаўленні праў, свабод і (або) законных інтарэсаў заяўнікаў і ім накіраваны пісьмовыя адказы.
  7. Пісьмовыя звароты павінны быць разгледжаны не пазней за пятнаццаць дзён, а звароты, якія патрабуюць дадатковага вывучэння і праверкі, – не пазней аднаго месяца, калі іншы тэрмін не ўстаноўлены заканадаўчымі актамі.
    У выпадку, калі для рашэння выкладзеных у зваротах пытанняў неабходны здзяйсненне пэўных дзеянняў (выкананне работ, аказанне паслуг), атрыманне інфармацыі з замежнай дзяржавы ў тэрміны, якія перавышаюць месячны тэрмін, заяўнікам у тэрмін не пазней аднаго месяца з дня, наступнага за днём паступлення зваротаў, накіроўваецца пісьмовае паведамленне аб прычынах перавышэння месячнага тэрміну і тэрмінах здзяйснення такіх дзеянняў (выканання работ, аказання паслуг) або тэрмінах разгляду зваротаў па сутнасці. Ход тэрмінаў, якія вызначаюцца месяцамі або днямі, пачынаецца з дня, наступнага за днём рэгістрацыі звароту ў інстытуце, унясення заўваг і (або) прапаноў у кнігу заўваг і прапаноў інстытута.
  8. Пісьмовыя звароты могуць быць пакінуты без разгляду па сутнасці, калі:
    • звароты не адпавядаюць патрабаванням, названым вышэй;
    • звароты падлягаюць разгляду ў адпаведнасці з заканадаўствам аб канстытуцыйным судаводстве, грамадзянскім, грамадзянскім працэсуальным, гаспадарчым працэсуальным, крымінальна-працэсуальным заканадаўствам, заканадаўствам, якое вызначае парадак адміністрацыйнага працэсу, заканадаўствам аб адміністрацыйных працэдурах, звароты з'яўляюцца зваротамі работніка да наймальніка альбо ў адпаведнасці з заканадаўчымі актамі ўстаноўлены іншы парадак падачы і разгляду такіх зваротаў;
    • звароты змяшчаюць пытанні, рашэнне якіх не адносіцца да кампетэнцыі інстытута, не датычацца якасці выконваемых работ, аказваемых паслуг;
    • прапушчаны без уважлівай прычыны тэрмін падачы скаргі;
    • заяўнікам пададзены паўторны зварот, у тым ліку ўнесены ў кнігу заўваг і прапаноў, і ў ім не змяшчаюцца новыя абставіны, якія маюць значэнне для разгляду звароту па сутнасці;
    • з заяўнікам спынена перапіска па выкладзеных у звароце пытаннях.
    Рашэнне аб пакіданні пісьмовага звароту без разгляду па сутнасці прымае дырэктар інстытута або ўпаўнаважаная ім службовая асоба.
  9. Заўвагі і (або) прапановы аб дзейнасці інстытута, якасці выконваемых работ, аказваемых паслуг уносяцца ў кнігу заўваг і прапаноў інстытута.
    Заўвагі і (або) прапановы, якія ўнесены ў кнігу заўваг і прапаноў і не адносяцца да дзейнасці інстытута, не датычацца якасці выконваемых работ, аказваемых паслуг, пакідаюцца без разгляду па сутнасці без паведамлення аб гэтым заяўніка.

Разгляд пісьмовых зваротаў ажыццяўляецца ў адпаведнасці з арт. 14, арт. 24 Закона Рэспублікі Беларусь ад 18 ліпеня 2011 г. № 300-З «Аб зваротах грамадзян і юрыдычных асоб».