Рэгістрацыя дэкларацыі аб адпаведнасці ў электроннай форме
дэклараванне адпаведнасці прадукцыіІнфармацыйная сістэма «Паведамляльнае дэклараванне адпаведнасці»
Інфармацыйная сістэма дазваляе рэгістраваць дэкларацыі аб адпаведнасці выпускаемай (пастаўляемай) прадукцыі патрабаванням тэхнічных рэгламентаў Еўразійскага эканамічнага саюза (Мытнага саюза) у электроннай форме
НАШЫ КЛІЕНТЫ – ГЭТА ВЫТВОРЦЫ І ІМПАРЦЁРЫ (ПРАДАЎЦЫ) ПРАДУКЦЫІ
Тэрмін аказання паслугі
3 рабочых дні
(пасля аплаты)
АРІП
Shop.belgiss.by - БелДІСС
Код паслугі 400531
Банкаўскія рэквізіты
р/с BY93BPSB 30121048420189330000
Рэгіянальная дырэкцыя №700 па г. Мінску і Мінскай вобласці
ААТ «БПС-Ашчадбанк», БІК BPSBBY2X пр. Машэрава, д. 80, 220035, г. Мінск
УНП 100219737
Пералік тэхнічных рэгламентаў Еўразійскага эканамічнага саюза (Мытнага саюза), на адпаведнасць якім ажыццяўляецца рэгістрацыя дэкларацый аб адпаведнасці ў электроннай форме
- «Аб бяспецы нізкавольтнага абсталявання» (ТР ТС 004/2011)
- «Аб бяспецы ўпакоўкі» (ТР ТС 005/2011)
- «Аб бяспецы прадукцыі, прызначанай для дзяцей і падлеткаў» (ТР ТС 007/2011)
- «Аб бяспецы парфумерна-касметычнай прадукцыі» (ТР ТС 009/2011)
- «Аб бяспецы машын і абсталявання» (ТР ТС 010/2011)
- «Бяспека ліфтаў» (ТР ТС 011/2011)
- «Аб патрабаваннях да аўтамабільнага і авіяцыйнага бензіну, дызельнага і суднавага паліва, паліва для рэактыўных рухавікоў і мазуту» (ТР ТС 013/2011)
- «Бяспека аўтамабільных дарог» (ТР ТС 014/2011)
- «Аб бяспецы зерня» (ТР ТС 015/2011)
- «Аб бяспецы апаратаў, якія працуюць на газападобным паліве» (ТР ТС 016/2011)
- «Аб бяспецы прадукцыі лёгкай прамысловасці» (ТР ТС 017/2011)
- «Аб бяспецы колавых транспартных сродкаў» (ТР ТС 018/2011)
- «Аб бяспецы сродкаў індывідуальнай аховы» (ТР ТС 019/2011)
- «Электрамагнітная сумяшчальнасць тэхнічных сродкаў» (ТР ТС 020/2011)
- «Аб бяспецы харчовай прадукцыі» (ТР ТС 021/2011)
- «Харчовая прадукцыя ў частцы яе маркіроўкі» (ТР ТС 022/2011)
- «Тэхнічны рэгламент на сокавую прадукцыю з садавіны і агародніны» (ТР ТС 023/2011)
- «Тэхнічны рэгламент на алейнатлушчавую прадукцыю» (ТР ТС 024/2011)
- «Аб бяспецы мэблевай прадукцыі» (ТР ТС 025/2012)
- «Патрабаванні бяспекі харчовых дабавак, араматызатараў і тэхналагічных дапаможных сродкаў» (ТР ТС 029/2012)
- «Аб патрабаваннях да змазачных матэрыялаў, маслаў і спецыяльных вадкасцей» (ТР ТС 030/2012)
- «Аб бяспецы абсталявання, якое працуе пад залішнім ціскам» (ТР ТС 032/2013)
- «Аб бяспецы малака і малочнай прадукцыі» (ТР ТС 033/2013)
- «Аб бяспецы мяса і мясной прадукцыі» (ТР ТС 034/2013)
- «Тэхнічны рэгламент на тытунёвую прадукцыю» (ТР ТС 035/2014)
- «Патрабаванні да звадкаваных вуглевадародных газаў для выкарыстання іх у якасці паліва» (ТР ЕАЭС 036/2016)
- «Аб абмежаванні прымянення небяспечных рэчываў у вырабах электратэхнікі і радыёэлектронікі» (ТР ЕАЭС 037/2016)
- «Аб бяспецы атракцыёнаў» (ТР ЕАЭС 038/2016)
- «Аб бяспецы рыбы і рыбнай прадукцыі» (ТР ЕАЭС 040/2016)
- «Аб бяспецы абсталявання для дзіцячых пляцовак для гульні» (ТР ЕАЭС 042/2017)
- «Аб патрабаваннях да сродкаў забеспячэння пажарнай бяспекі і пажаратушэння» (ТР ЕАЭС 043/2017)
- «Аб бяспецы ўпакаванай пітной вады, уключаючы прыродную мінеральную ваду» (ТР ЕАЭС 044/2017)
Пералік неабходных дакументаў
Для рэгістрацыі дэкларацыі аб адпаведнасці:
- Заява аб рэгістрацыі дэкларацыі аб адпаведнасці (у выглядзе электроннага дакумента), падпісаная электронным лічбавым подпісам заяўніка
- Дэкларацыя аб адпаведнасці (у выглядзе электроннага дакумента), падпісаная электронным лічбавым подпісам заяўніка
- Копіі дакументаў, якія пацвярджаюць дзяржаўную рэгістрацыю юрыдычнай асобы або дзяржаўную рэгістрацыю фізічнай асобы ў якасці індывідуальнага прадпрымальніка (у выглядзе сканіраваных дакументаў)
- Дагавор з вытворцам (у тым ліку замежным вытворцам), які прадугледжвае забеспячэнне адпаведнасці прадукцыі, якая пастаўляецца, патрабаванням тэхнічнага рэгламенту (тэхнічных рэгламентаў) Еўразійскага эканамічнага саюза (Мытнага саюза) і адказнасць за неадпаведнасць такой прадукцыі названым патрабаванням (для ўпаўнаважанай вытворцам асобы) (у выглядзе сканіраванага дакумента)
- Копіі доказных матэрыялаў, прадстаўленне якіх для рэгістрацыі дэкларацыі аб адпаведнасці прадугледжана тэхнічным рэгламентам (тэхнічнымі рэгламентамі) Еўразійскага эканамічнага саюза (Мытнага саюза), у тым ліку вынікі даследаванняў (выпрабаванняў) і вымярэнняў прадукцыі, якія пацвярджаюць выкананне патрабаванняў тэхнічнага рэгламенту (тэхнічных рэгламентаў) Еўразійскага эканамічнага саюза (Мытнага саюза), дзеянне якога на яе распаўсюджваецца (у выпадку калі тэхнічным рэгламентам Еўразійскага эканамічнага саюза (Мытнага саюза) прадугледжана правядзенне даследаванняў (выпрабаванняў) і вымярэнняў прадукцыі, якая дэкларуецца), завераныя подпісам заяўніка (у выглядзе сканіраваных дакументаў)
Для выдачы рашэння аб спыненні дзеяння рэгістрацыі дэкларацыі аб адпаведнасці:
- Паведамленне аб спыненні дзеяння дэкларацыі аб адпаведнасці з указаннем даты складання паведамлення і рэгістрацыйнага нумара дэкларацыі аб адпаведнасці, дзеянне рэгістрацыі якой неабходна спыніць (у выглядзе электроннага дакумента), падпісанае электронным лічбавым подпісам заяўніка
Для пачатку працы ў інфармацыйнай сістэме «Паведамляльнае дэклараванне адпаведнасці» заяўніку неабходна атрымаць электронны лічбавы подпіс у Рэспубліканскім сведчым цэнтры (РСЦ)
Электронны лічбавы подпіс (ЭЛП) заяўніка – гэта ЭЛП індывідуальнага прадпрымальніка альбо ЭЛП кіраўніка юрыдычнай асобы
Апісанне работы сістэмы
Інструкцыя па рабоце ў сістэме
Рэгістрацыя
Для пачатку працы з ПЗ «Паведамляльнае дэклараванне» неабходна прайсці працэдуру рэгістрацыі, для гэтага трэба націснуць на кнопку на галоўным экране ПЗ з надпісам «Крок 1. Зарэгіструйцеся, атрымаеце персанальны ўліковы запіс. Атрыманы ўліковы запіс занясіце ў профіль.» або на пункт меню «Рэгістрацыя» злева.
Пасля адкрыецца экран з формай для рэгістрацыі арганізацыі і карыстальніка. У дадзенай форме неабходна запоўніць палі з інфармацыяй аб вашай арганізацыі і карыстальніку, які ў далейшым будзе працаваць у сістэме. Палі, пазначаныя знакам «зорачка» («*»), з'яўляюцца абавязковымі для запаўнення.
Пад полем «Звесткі аб дзярж. рэгістрацыі ў якасці юр. асобы або індывідуальнага прадпрымальніка» маецца кнопка «Далучыць дакумент», тут вы можаце выбраць файл, які змяшчае Вашы звесткі аб дзярж. рэгістрацыі ў якасці юр. асобы або індывідуальнага прадпрымальніка ў электронным выглядзе.
Пасля таго як усе неабходныя палі будуць запоўнены, трэба націснуць кнопку «Адправіць» у канцы формы рэгістрацыі.
Сістэма апрацуе ўведзеныя Вамі даныя, правядзе рэгістрацыю арганізацыі і карыстальніка, затым вышле электронны ліст з Вашым уліковым запісам на e-mail, пазначаны ў палі «E-mail» у раздзеле «Карыстальнік» рэгістрацыйнай формы. Аб гэтым будзе выдадзена адпаведнае паведамленне.
Аўтарызацыя ў сістэме
Пасля паспяховай рэгістрацыі ў сістэме неабходна аўтарызавацца ў сістэме. Для гэтага неабходна перайсці ў пункт меню «Профіль» і ўвесці ў палі E-mail і пароль з атрыманага электроннага ліста са створаным уліковым запісам.
Сістэма захавае Вашы ўліковыя даныя на лакальным камп’ютары пасля націску кнопкі «Захаваць», пасля чаго выдасць паведамленне аб тым, што профіль паспяхова захаваны.
Пасля захавання профілю павінна аўтаматычна адбыцца аўтарызацыя, аб гэтым можна даведацца, паглядзеўшы ў левы верхні вугал ПЗ, там павінны з'явіцца Вашы імя і прозвішча.
Пры наступным запуску ПЗ аўтарызацыя будзе праходзіць аўтаматычна. Зялёны кружок і статус "Онлайн" пад Вашым імем і прозвішчам азначае, што ПЗ паспяхова падключылася да сервера.
Афармленне дэкларацыі аб адпаведнасці
Для таго каб аформіць дэкларацыю аб адпаведнасці, неабходна перайсці ў пункт меню «Аформіць».
Для пачатку працэсу афармлення неабходна націснуць кнопку «Стварыць дэкларацыю», адкрыецца форма стварэння дэкларацыі, на якой неабходна ўказаць дадатковую інфармацыю для адміністратара, а таксама прымацаваць файлы з заявай, дэкларацыяй, дадатками і копіяй дагавора.
Пасля гэтага неабходна падпісаць прымацаваныя файлы з дапамогай ЭЛП і адправіць дэкларацыю адміністратару.
Подпіс файлаў з дапамогай ЭЛП
Для таго каб падпісаць выбраныя файлы з дапамогай ЭЛП, неабходна націснуць на кнопку з відарысам ключыка пад прымацоўваемым файлам.
Пасля націскання кнопкі з'явіцца дыялогавае акно з просьбай выбраць сертыфікат для аўтарызацыі, затым з'явіцца дыялогавае акно з просьбай выбраць тып носьбіта і ўвесці пароль да кантэйнера асабістых ключоў. Пасля ўводу пароля і націскання кнопкі «Ок» файл будзе падпісаны з дапамогай ЭЛП і з'явіцца паведамленне пра гэта.
У ЭКСПЛУАТАЦЫІ БОЛЬШ ЗА 7 ГАДоў
Тэрмін дзеяння выдаваемага дакумента / прымаемага рашэння
- 5 гадоў – пры дэклараванні адпаведнасці серыйнай вытворчасці прадукцыі, калі іншае не ўстаноўлена тэхнічнымі рэгламентамі Мытнага саюза і рашэннямі Еўразійскай эканамічнай камісіі ў сферы тэхнічнага рэгулявання
- Пры выдачы рашэння аб спыненні дзеяння рэгістрацыі дэкларацыі аб адпаведнасці – да заканчэння тэрміну дзеяння рэгістрацыі дэкларацыі аб адпаведнасці
Карысныя спасылкі
- Адзіная форма дэкларацыі аб адпаведнасці патрабаванням тэхнічнага рэгламенту Мытнага саюза і правілы яе афармлення
- Пастанова Савета Міністраў Рэспублікі Беларусь ад 29 ліпеня 2020 г. № 445 Аб змяненні пастаноў Савета Міністраў Рэспублікі Беларусь ад 17 лютага 2012 г. № 156 і ад 26 студзеня 2016 г. № 61
- Пастанова Дзяржаўнага камітэта па стандартызацыі Рэспублікі Беларусь ад 04.02.2016 г. № 11 “Аб устанаўленні пераліку тэхнічных рэгламентаў Мытнага саюза, рэгістрацыя дэкларацый аб адпаведнасці, выдача рашэнняў аб спыненні дзеяння рэгістрацыі дэкларацый аб адпаведнасці патрабаванням якіх ажыццяўляецца ў электроннай форме пры звароце ва ўпаўнаважаны орган”
- Пастанова Дзяржаўнага камітэта па стандартызацыі Рэспублікі Беларусь ад 21.09.2016 г. № 71 “Аб унясенні змяненняў і дапаўненняў у пастанову Дзяржаўнага камітэта па стандартызацыі Рэспублікі Беларусь ад 4 лютага 2016 г. № 11”
- * Пастанова Дзяржаўнага камітэта па стандартызацыі Рэспублікі Беларусь ад 18 жніўня № 44 “Аб унясенні змяненняў і дапаўненняў у пастанову Дзяржаўнага камітэта па стандартызацыі Рэспублікі Беларусь ад 4 лютага 2016 г. № 11”
- Рашэнне Калегіі Еўразійскай эканамічнай камісіі ад 20 сакавіка 2018 г. № 41 “Аб парадку рэгістрацыі, прыпынення, аднаўлення і спынення дзеяння дэкларацый аб адпаведнасці прадукцыі патрабаванням тэхнічных рэгламентаў Еўразійскага эканамічнага саюза”/a>
- Рэспубліканскі сведчы цэнтр (РСЦ)
- Прынятыя тэхнічныя рэгламенты Мытнага саюза
Спадарожныя паслугі
Інфармацыйная падтрымка
Даведкі і кансультацыі па пытаннях:
- аплаты паслугі;
- запаўнення шаблонаў;
- выканання дагаворных абавязацельстваў і г. д.
* у рабочы час і дні, устаноўленыя працоўным распарадкам выканаўцы
+375 17 269 68 68 2696868@belgiss.byТэхнічная падтрымка:
Даведкі і кансультацыі па пытаннях:
- устаноўкі сістэмы;
- настройкі сістэмы;
- функцыянавання сістэмы.
* у рабочы час і дні, устаноўленыя працоўным распарадкам выканаўцы
+375 17 269 69 11 support.belgiss support@belgiss.by it.belgiss.by
БелДІСС
Дзяржаўныя напрамкі і праекты, якія паспяхова рэалізуюцца, дазваляюць, з аднаго боку, падтрымліваць унікальнасць інстытута ў рэспубліцы і за яе межамі, а з другога – знаходзіцца ў канкурэнтным асяроддзі, пастаянна паляпшацца, шукаць і прапаноўваць новыя рашэнні, дынамічна прасоўвацца да новых гарызонтаў.
Кантакты
- г. Мінск, вул. Наватарская, д.2А, 220053, Рэспубліка Беларусь
- +375 17 269 69 99
- info@belgiss.by